Prokurori i Shtetit ka njoftuar se gjatë 24 orëve të fundit nga prokuroritë themelore janë ndaluar për 48 orë dymbëdhjetë persona, si dhe janë bërë pesë kërkesa për caktimin e paraburgimit të pesë personave, të dyshuar se kanë kryer vepra të ndryshme penale.

Prokuroria Themelore në Prishtinë, gjatë 24 orëve të fundit, me urdhër të prokurorit kujdestar, ka ndaluar gjashtë persona të dyshuar. Po ashtu, kjo prokurori ka paraqitur katër kërkesa për caktimin e masës së paraburgimit për katër persona të dyshuar, si dhe një kërkesë për caktimi e masës së arrestit shtëpiak për një person.

Ndërsa Prokuroria Themelore në Prizren, gjatë 24 orëve të fundit, ka ndaluar një person të dyshuar për veprën penale “Dhuna në familje” sipas KRPK-së, raporton “Epoka e re”.

Në anën tjetër, Prokuroria Themelore në Gjakovë, gjatë 24 orëve të fundit, me urdhër të prokurorit kujdestar, ka ndaluar tre persona në kohëzgjatje prej 48 orësh për kryerjen veprave të ndryshme penale.

Brenda 24 orëve, Prokuroria Themelore e Mitrovicës ka ndaluar dy persona, për shkak të veprës penale ”Dhunë në familje”.

Edhe Prokuroria Themelore në Ferizaj, gjatë 24 orëve të fundit, ka paraqitur një kërkesë për caktimin e masës së paraburgimit kundër një personi të pandehur.