![](https://www.epokaere.com/wp-content/uploads/2024/08/policia-mk-1-750x430-1-750x430-1.jpg)
Ndalohet një shtetas i Kosovës në Maqedoninë e Veriut, kërkohej nga Interpoli
27 gusht 2024
| 19:32
Një 28-vjeçar, shtetas i Kosovës, është ndaluar dje në pikën kufitare mes Maqedonisë së Veriut dhe Kosovës, “Bllacë”.
Kështu ka njoftuar ministria e brendshme në RMV, ndërkaq nuk është bërë e ditur arsyeja.
“Dje në ora 08:50 në pikën kufitare Bllacë, zyrtarët policorë kanë ndaluar D.L. (28) nga Kosova, pasi gjatë kontrollit të pasaportave dhe kontrollit në të dhënat operative është konstatuar se i njëjti është regjistruar me masën ‘arrest’ me kërkesë të Interpolit. I njëjti është dorëzuar në stacionin policor të Kisella Vodës për veprime të mëtejshme”, kanë njoftuar nga MPB-ja maqedonase. /alsatm