Me datën 27.09.2022, në hyrje të Republikës së Kosovës, ka ardhur automjeti BMW, ngjyrë hiri, me targa bullgare, të cilin e drejtonte shtetasi rus me iniciale E. S. viti i lindjes 1996, i lindur në Rusi.

Automjeti i lartcekur nga autoritetet kompetente kufitare të Republikës së Kosovës është selektuar në vijën e dytë të kontrollit dhe gjatë kontrollit së bashku me doganën, në brendësinë e automjetit, në bagazhin e automjetit, në një çantë personale, janë gjetur sasi e mjeteve monetare të padeklaruara në vlere totale prej: dhjetë mijë (10000) dollarë USA (100 x 100 dollarë) dhe dy mijë (2000) euro (40 X 50 euro).

Me këtë rast janë nisur hetimet nga hetuesit rajonal të njësisë kufitare policore-Perëndimi dhe prokurori i shtetit si dhe është  inicuar rasti për “mosdeklarim të mjeteve monetare”.

Rasti i është  dorëzuar Doganës së Kosovës për procedurë të mëtutjeshme ligjore.