Pas ndarjes së një subvencioni prej 100 mijë eurosh për vëllanë e deputetes së Vetëvendosjes, Fitore Pacollit, nga Ministria e Bujqësisë që drejtohet ngaFaton Peci, anëtari i Kryesisë së Aleancës për Ardhmërinë e Kosovës, Daut Haradinaj, ka kërkuar hetime nga hetuesia dhe prokuroria.

Në lidhje me Kryeministrin e Kosovës, Albin Kurti, në krejt këtë tregim, Haradinaj ka thënë se ai “nuk guxon të veprojë sepse është vetë i përfshirë”.

“Edhe sa shifra qindmijëshe e milionëshe duhet të keqpërdoren nga kjo qeveri për të vepruar Hetuesia dhe Prokuroria. Sa për kryeministrin dihet që nuk guxon të veprojë, sepse është vetë i involvuar”, ka shkruar Haradinaj në “Facebook”.