Nënkryetari i Komunës së Obiliqit, Ibush Mjekiqi, së bashku me kryesuesin e Kuvendit Komunal, Burim Gërguri, bashkëveprimtarët dhe familjarët e heroit, asamblistë dhe ekzekutivin, kanë bërë homazhe duke nderuar jetën dhe veprën e luftëtarit të lirisë Jusuf Shalaku – Cufa.

Në fjalën e tij, kryesuesi i KK-së në Obiliq, Burim Gërguri, ka vlerësuar lart kontributin e luftëtarit të lirisë, Jusuf Shalaku-Cufa, duke thënë se veprat e heronjve për lirinë e vendit do të mbesin të pavdekshme dhe do të përcillen ndër breza.

(Q.R / Epoka e re)