Njësitet e Policisë së Kosovës dhe Forcës së Sigurisë së Kosovës, edhe për sot kanë ndërprerë operacionin e kërkim-shpëtimit për dy policët të cilët janë zhdukur që nga dita e shtunë e javës së kaluar.

Edhe pas katër ditëve kërkim, ende nuk ka asnjë gjurmë të dy policëve të zhdukur. Operacioni i kërkimit do të vazhdojë nesër përsëri në orën 09:00 të mëngjesit. Kurse, sot pas përfundimit të operacionit të kërkimit, të gjitha njësitet të cilat janë përfshirë në aksion, janë mbledhur për të koordinuar veprimet për ditën e nesërme.