![](https://www.epokaere.com/wp-content/uploads/2020/11/prizren-6.jpg)
Ndërpritet përkohësisht qarkullimi në një pjesë të rrugës Prizren-Gjakovë
30 nëntor 2020
| 14:42
Komuna e Prizrenit ka bërë me dije se për shkak të punimeve që po zhvillohen nga Ministria e Infrastrukturës në kuadër të projektit “Rehabilitimi i Rrugëve Rajonale”, është ndërprerë përkohësisht qarkullimi i automjeteve në një pjesë të rrugës Prizren-Gjakovë.
“Punimet janë duke u realizuar në segmentin e rrugës në dalje të Prizrenit, në drejtim të Gjakovës dhe rruga është e bllokuar nga ‘Transiti i Vjetër’ në Arbanë deri te rreth-rrotullimi në Landovicë. Të gjitha veturat që shkojnë dhe vijnë nga drejtimi i Gjakovës, udhëzohen që si rrugë alternative të kalojnë nga drejtimi i rreth rrotullimit të Autostradës në dalje nga Prizreni-Veri. Ndërprerja vlen nga data 30 nëntor deri më 15 dhjetor 2020”, ka njoftuar Komuna e Prizrenit.