Ka ndërruar jetë Skënder Ramadani, ish-futbollist i Ferizajt në vitet e 70-ta, ndërsa kontribuoi edhe si anëtar i Komitetit Ekzekutiv të FFK-së nga regjioni i Ferizajt, në kohën kur ky institucion drejtohej nga Sabri Hashani.

“Në emrin tim, Komitetit Ekzekutiv, klubeve, futbollistëve dhe tërë komunitetit të futbollit, të ju shpreh ngushëllimet më të sinqerta. Skënder Ramadani dha kontribut të çmuar për futbollin e Kosovës. Ai në rininë e tij të hershme ishte pjesë e KF Ferizaj dhe në vitet e 70-ta ishte ndër futbollistët më të mirë ferizajas, duke qenë edhe kapiten i skuadrës. Ndërkaq, me përvojën dhe kapacitetet e tij intelektuale kontribuoi edhe si anëtar i Komitetit Ekzekutiv të FFK-së nga regjioni i Ferizajt, në kohën kur ky institucion drejtohej nga Sabri Hashani”, thuhet në telegram ngushëllimin e kryetarit të FFK-së, Agim Ademi.