Barbara Bush ishte gruaja e një presidenti të Shteteve të Bashkuara të Amerikës (ShBA) dhe nëna e një tjetri.

Barbara Bush ishte bashkëshortja e ish-presidentit të Shteteve të Bashkuara të Amerikës, George H.W. Bush, i cili shërbeu nga viti 1989 deri në vitin 1993, si dhe nëna e George W Bushit, i cili ishte president nga viti 2001 deri në vitin 2009.

Lajmi për vdekjen e saj u dha nga një zëdhënës i familjes Bush, i cili tha se kohët e fundit ajo kishte pasur probleme të ndryshme shëndetësore, por kishte vendosur të mos kërkonte trajtim mjekësor shtesë.