Të mërkurën në Bruksel, ka ndërruar jetë Halit Xhemë Elshani, pedagog dhe intelektual i shquar i publicistikës dhe krijimtarisë arsimore, letrare dhe kulturore!

Lajmin e ka bërë me dije përmes një postimi në llogarinë e vet një mik i tij, Rexhep T. Elezaj.

“Halitin e kam mik dhe bashkëfshatarë, vdekja e befasishme e të cilit më goditi tepër rënd në shpirt dhe zëmër! E njoha që nga shkolla fillore në Saradran, pastaj në Prishtinë si mësimdhënës i lëndës së matematikës në Gjimnazin e Prishtinës dhe shkolla tjera, si pedagog dhe atdhetar me vlera të larta personale dhe kombëtare”, ka shkruar Elezaj.