Ka ndërruar jetë të dielën, në moshën 67-vjeçare, legjenda e boksit Leon Spinks. Spinksi prej kohësh vuante nga një sëmundje e rëndë, e cila ditën e sotme i ka marrë jetën, në shtëpinë e tij në Las Vegas.

Ka qenë vetë bashkëshortja e tij, e cila ka konfirmuar se Spinksi është ndarë nga jeta.

Amerikani u bë i njohur dhe tërhoqi vëmendjen e të gjithëve në mbarë botën, kur më 15 shkurt të vitit 1978 Spinksi duelonte me kampionin Muhamed Ali në ring dhe pavarësisht se ky i fundit shihej si favorit, Spinks ia doli ta mposhtë dhe i mori titullin kampion, ndonëse kishte vetëm 8 ndeshje në boksin profesionist.