Regjisori dhe profesori i njohur i Fakultetit të Arteve në Prishtinë, Bekim Lumi, ka ndërruar jetë mëngjesin e sotëm.

Lumi që disa vite vuante nga sëmundja e rëndë e kancerit.

Madje artistët e skenës teatrore, muzikore dhe filmike patën organizuar edhe një fushatë për t’i ndihmuar regjisorit Lumi lidhur me shpenzimet për shërimin e tij.

Një muaj më parë, Bekim Lumi ishte kthyer midis kolegëve duke e sjellë një shfaqje falënderuese për të gjithë ata që e ndihmuan gjatë kësaj periudhe të vështirë në jetën e tij.