Regjisorja e njohur shqiptare, Burbuqe Berisha, ka ndërruar jetë të mërkurën në Prishtinë.

Lajmin e kanë konfirmuar nga Ministria e Kulturës, Rinisë dhe Sportit (MKRS).

Bëhet me dije se Berisha ka qenë në vendin e saj të punës në objektin e MKRS-së kur ka ndodhur ngjarja.

Berisha njihet si regjisore e disa prodhimeve kinematografike vendore si dhe shfaqjeve teatrale.

Ajo njashtu ka shërbyer edhe si drejtoreshë e Teatrit Kombëtar të Kosovës.

Krahas një karriere të suksesshme në regji dhe film, Burbuqe Berisha ka ushtruar edhe profesionin e ligjërueses në Kolegjin AAB.