Ka ndërruar jetë në moshën 81-vjeçare senatori amerikan, John McCain.

Lajmin e ka bërë me dije zyra e tij, një ditë pasi nga familja e McCainit ishte thënë se ai e kishte ndërprerë trajtimin e kancerit në tru, me çka ishte diagnostifikuar vitin e kaluar.

McCaini ishte veteran i luftës në Vietnam, ndërkaq dy herë kishte garuar për president të ShBA-së, por nuk kishte arritur të fitonte.

Senatori McCain do të mbahet mend si mik i madh i shqiptarëve, përkatësisht i shtetit të Kosovës.