Biletat për ndeshjen ndërmjet Ballkanit dhe BATE Borisov do të dalin në shitje sot edhe në Prishtinë.

Kështu ka njoftuar klubi suharekas me anë të një postimi në faqen zyrtare në Facebook, shkruan lajmi.net.

“Ju bëjmë me dije se nga ora 13:00, biletat për finalen e sotme, mund t’i siguroni fizikisht edhe te zyra e mediave në stadiumin “Fadil Vokrri” në Prishtinë” – thuhet në njoftimin e Ballkanit.

Biletat për këtë sfidë kanë dalë në shitje pak ditë më parë edhe përmes platformës online.

Ballkani dhe BATE Borisov luajnë sot ndeshjen e parë të “Play-Off”-it për fazën e grupeve në Ligën e Konferencës me fillim nga ora 20:45 në stadiumin “Fadil Vokrri” në kryeqytet. Ndeshja e kthimit do të zhvillohet një javë më vonë.