Nesër (e shtunë) luhen ndeshjet gjysmëfinale të Kupës së Republikës së Kosovës në hendboll në konkurrencë të femrave.

Fillimisht prej orës 13:00 takohen Istogu dhe Kastrioti i Ferizajt. Istogu është fitues në fuqi i Kupës, ndërsa synon kalimin në finale. Istogaset e humbën finalen e plejofit dhe tani kanë pretendime për të fituar kupën. Por synimet e saj i ka edhe skuadra e Kastriotit. Ndeshja Istogu – Kastrioti luhet në Pallatin e Rinisë dhe Sportit në Prishtinë, ku luhet i gjithë turneu përfundimtar i Kupës. Interesante pritet të jetë edhe ndeshja në mes të Vushtrrisë dhe Prishtinës që zhvillohet nesër nga ora 15:00. Këto dy skuadra ishin ndalur në gjysmëfinale të plejofit kurse tani synojnë kalimin finale dhe më pas edhe trofeun.