Qeveria e Kosovës ka mbajtur mbledhjen e radhës ku kanë aprovuar masat kundër COVID-19 të cilat janë propozuar sot nga ana e kryeministrit Hoti në një konferencë për media.

Kurse, përveç masave për parandalimin e përhapjes së pandemisë  Covid-19, Qeveria e Kosovës ka miratuar edhe vendimin e datës 23 qershor të këtij viti, për plotësimin dhe ndryshimin për rifillimin e fluturimeve në Aeroportin Ndërkombtar të Prishtinës “Adem Jashari”.

Sipas njoftimit të Qeverisë së Kosovës me plotësimet dhe ndryshimet e miratuara fluturimet në Aeroportin Ndërkombëtar të Prishtinës “Adem Jashari” do të organizohen në intervale prej minimum 45 minuta ndërmjet aterimeve.

“Menaxhimi i orareve të bëhet duke respektuar aplikimin e Rregullores Nr. 2008/6 Mbi Rregullat e Përbashkëta Për Alokimin e Slloteve në Aeroportet e Vendosura në Kosovë dhe rregullave të IATA (Ëorldëide Slot Guidelines, 10th Edition), Aeroplanët ad-hoc taxi nuk i nënshtrohen këtij rregulli. Vendimi hyn në fuqi nga data 9 korrik 2020”, thuhet në njoftimin e Qeverisë së Kosovës.