Për ngjarjen tragjike në Gllogjan të Deçanit, ku në sulmin me armë ndaj autobusit u vranë shoferi dhe dy nxënës, detaje ka dhënë zëdhënësi i Policisë për Rajonin e Pejës, Fadil Gashi.

Ai ka deklaruar se rreth orës 19:00 policia është njoftuar se ka të shtëna drejt një autobusi në fshatin Gllogjan.

“Tetë persona kanë qenë në autobus. Do të thotë autobusi ka qarkullu nga Gjakova në Deçan dhe në fshatin Gllogjan. Mirëpo një numër i nxënësve kanë ndaluar në fshatra të tjera”, tha Gashi për Klan Kosova.

Tutje ai bëri të ditur se në vend të ngjarjes ka mbetur i vdekur një person, kurse tre të tjerë janë dërguar në Emergjencën e Spitalit Rajonal në Pejë, ku kanë vdekur më pas dy nga ta.

Kurse në vend të ngjarjes kanë dalë të gjitha njësitë relevante dhe policia është në kërkim të të dyshuarve.