Në qytetin Banska Bystrica të Sllovakisë në një ceremoni të organizuar nga Komiteti Olimpik i këtij shteti është bërë hapja zyrtare e Festivalit Veror Olimpik Evropian për të Rinj EYOF Banská Bystrica 2022.

Nga 24 deri më 30 korrik 2022 në Banska Bystrica 2022 – Sllovaki do të mbahen Lojërat Verore Olimpike Evropiane për të Rinj (EYOF). Në këtë kampionat po marrin pjesë 48 shtete me mbi 2 500 garues.

Kosova po përfaqësohet nga 13 sportistë të shoqëruar nga trajnerët e tyre, të përzgjedhur nga Komiteti Olimpik i Kosovës.

Atletja, Vesa Jusufi, dhe xhudisti, Muhamedin Veseli, kanë bartur flamurin e Kosovës në ceremoninë hapëse të Festivalit Veror Olimpik Evropian për të Rinj EYOF Banská Bystrica 2022.