Në bibliotekën e qytetit në Podujevë është vendosur një kënd i leximit me libra gjermanë, të cilën e ka dhuruar Ambasada Gjermane në Kosovë.

Përmes këtij këndi me libra dhe revista gjermane, lexuesit kanë mundësinë të njohin edhe historinë e krijimit të Kushtetutës gjermane, rolin e të rinjve në demokracinë e sotme, etj.

Në hapjen e këndit të leximit mori pjesë drejtoresha e Drejtorisë së Kulturës Rinisë dhe Sportit Vlora Humolli dhe shefja e kabinetit të kryetarit, Edona Çitaku.

Drejtoresha Humolli e falënderoi përfaqësuesin nga Ambasada e Gjermanisë, Christian Bottcher për donacionin e dhuruar duke vlerësuar si një hap të rëndësishëm për njohjen e historisë dhe kulturës gjermane nga të rinjtë tanë.