Një gjykatë në Bjellorusi dënoi dy gazetare me dy vjet burg, të enjten me akuzat e orkestrimit të demonstratave kundër Presidentit Alexander Lukashenko.

Katsiaryna Andreyeva dhe Daria Chultsova nga TV Belsat i Polonisë u arrestuan në nëntor në një apartament në Minsk.

Ato po transmetonin protestat e vazhdueshme që po zhvilloheshin në mbështetje të një demonstruesi i cili u vra disa ditë më parë.

Andreyeva i tha gjykatës përpara vendimit se do të punonte për të ndërtuar “një Bjellorusi që nuk do të ketë shtypje politike”.

Një avokat i gazetarëve tha se ata do të apelojnë vendimin.

Në Bjellorusi ka pasur demonstrata masive pas zgjedhjeve të diskutueshme të gushtit që kundërshtarët e Lukashenkos thanë se ishin manipuluar për t’i dhënë atij një tjetër mandat.

Lukashenko ka mohuar që zgjedhjet të ishin mashtruese.

Një goditje e mëvonshme e protestave ka çuar në arrestime të mijëra njerëzve dhe ka shtyrë Shtetet e Bashkuara dhe Bashkimin Evropian të vendosin sanksione kundër zyrtarëve në Bjellorusi.