![](https://www.epokaere.com/wp-content/uploads/2021/02/policia-1.png)
Në çantat e konfiskuara në Ministrinë e Bujqësisë ishin gati 400 mijë euro
24 shkurt 2021
| 13:58
Mëngjesin e sotëm, Policia e Kosovës ka nisur një aksion në Ministrinë e Bujqësisë, Pylltarisë dhe Zhvillimit Rural.
Aty janë arrestuar disa zyrtarë të Agjencisë për Zhvillimin e Bujqësisë, përfshirë edhe ushtruesin e detyrës së kryeshefit të kësaj agjencie, A.N.
Ky aksion është zhvilluar edhe në disa komuna tjera të Kosovës, ku nën pranga kanë përfunduar 12 persona.
Drejtori i Krimeve Ekonomike dhe Kundër Korrupsionit, Nazim Sahiti ka thënë se në këtë aksion sekuestruar diku afër 400 mijë euro.
“Sot gjatë ditës nga drejtoria për Krime dhe Kundër-Korrupsion janë sekuestruar një shumë e madhe e parave, diku afër 400 mijë euro. Saktësisht ende nuk e dimë por sillen aty diku”, ka thënë ai.