SHAIP EMËRLLAHU

NË DAÇ T’I SHTRIHESH I TËRI LIRISË

Si t’ua lexojmë kronikën e shikimeve

kur kokën mbani pas shpine

e atyre krahëve të lodhur të Padeshit

s’u jemi mbështetur

me të tilla plaçkamasakre

si t’ua lexojmë

ne që të afërmit dhe shtëpitë

i kemi në numër

dhe në ekran na duket

se është Bosnja a Vukovari i largët

mesjeta përsëritet

gjithmonë

me buzëvajë të Toplicës, Çamërisë…

gjithsesi me përgjigje të njëjtë

duhet shuar

ecja e lakmisë së passhpinës

në daç t’i shtrihesh

i tëri lirisë

(pranverë, 1998)

(Kjo është botuar në sprovën për antologji “Dritë mbi plagë”, botuar nga Qendra “Gjenocidi në Kosovë – Plagë e Hapur”, Gjenevë, 2020. Në ditët në vijim, duke nisur nga 13 nëntori, në gazetën “Epoka e re”, në portalin online të saj dhe në formatin Pdf po të saj, për çdo ditë do të botohen poezitë e autorëve të botuara në këtë përmbledhje)