Edhe pse në qytetin e Deçanit është i lokalizuar tregu ku shitësit ambulantë mund t’i shesin produktet e tyre, qoftë të bujqësisë blegtorisë apo artizanatëve, ata vazhdojnë që të qëndrojnë skaj rrugës në qytetin e Deçanit. Shitësit po bëhen pengesë qoftë për kalimin e këmbësoreve po ashtu dhe të automjeteve.

Një qytetare e Deçanit S.M, i ka dërguar disa fotografi ku shihet se si shitësit pengojnë qoftë kalimtarët, qoftë automjete duke u shkaktuar tollovi në qytet. “Këta shitës janë bërë pengesë për të kaluar si këmbësor për në qytet. Na pengojnë si kalimtarë, po ashtu edhe automjetet kanë pengesa”, ka thënë S.M për gazetën “Epoka e re”.