Jo më xhaketë dhe kravatë. Për ‘lamtumirën’ e tij të fundit në vendin e punës, dukshëm të padëshiruar, një punonjës ka vendosur të paraqitet ditën e fundit në zyrë, i veshur si Spiderman.

Ngjarja ndodhi në San Paolo në Brazil, ku burri është shfaqur mes tavolinave dhe kompjuterëve me kompletin e kuq dhe blu të superheroit Spiderman. Nuk dihet identiteti i këtij nëpunësi të bankës, i kthyer në një ‘super hero’ për rrjetet sociale që kur fotografitë dhe pamjet e tij nisën të qarkullojnë në internet.