Në ditën e themelimit të UÇK-së, deputeti i PDK-së, Xhavit Haliti, së bashku me Nait Hasanin dhe Bislim Zogajn, ka bërë homazhe te varri i Xheladin Gashit – Komandant ‘Plaku’.

Haliti ka shkruar në “Facebook” se ‘Plaku’, ishte njëri prej themeluesve të UÇK-së, i cili dha kontribut të jashtëzakonshëm për lirinë e Kosovës.

“Sot, në ditën e themelimit të UÇK-së, së bashku me Nait Hasanin dhe Bislim Zogajn, bëmë homazhe te varri i Xheladin Gashit – Komandant ‘Plaku’. ‘Plaku’, ishte njëri prej themeluesve të UÇK-së, i cili dha kontribut të jashtëzakonshëm për lirinë e Kosovës. Lavdi ‘Plakut’! Lavdi dëshmorëve të Ushtrisë Çlirimtare të Kosovës!”, ka shkruar Haliti.