Pas raportimeve nga qytetarët për hedhjen e mbeturinave mbrapa Shtëpisë së Kulturës te rruga “Nënë Tereza” në Kamenicë, Drejtoria për Shërbime Publike, Ambient dhe Inspektorat (DShPAI) ka dalë menjëherë në terren.

Zyrtarët e kësaj drejtorie kanë bërë pastrimin e kësaj pjese nga mbeturinat e hedhura nga qytetarët, edhe pse po e njëjta drejtori ka vendosur shenjat se ndalohet hedhja e mbeturinave në këto pjesë.

“Pas pastrimit të saj, DShPAI dhe Komuna u bën lutje qytetarëve që të kenë kujdes në hapësirat publike, sepse një mos respektim i tillë nënkupton gjoba”, ka njoftuar Komuna e Kamenicës.