Çmimet e naftës kanë pësuar rënie këto ditë, pas shqetësimeve se lufta tregtare e nisur nga presidenti Donald Trump mund të ngadalësojë ekonominë botërore dhe se Organizata e Vendeve Eksportuese të Naftës (OPEC) mund të po e mbifurnizojë tregun.

Ulja e çmimeve të naftës në nivel global pas vendosjes së tarifave nga Trump pritet të ndikojë në rënien e çmimit të derivateve të naftës edhe në Kosovë.

Kryetari i Shoqatës së Naftëtarëve, Fadil Berjani, ka konfirmuar se lëvizjet e çmimeve të derivateve të naftës kanë filluar që nga sot. Ai theksoi se aktualisht çmimet e derivateve të naftës janë më të ulëta në rajonin tonë.

“Ulja e çmimit të naftës në nivel global do të ndikojë gjithashtu në uljen e çmimit të derivateve të naftës dhe në Kosovë,” ka deklaruar ai.

Sipas tij, për gjendjen ekonomike që çfarë kem në Kosovë çmimi real kishte me qen 1€, por çmimin e cakton berza dhe organizata prodhuese OPEC.

Ndryshe çmimet në tregun kosovar përafërsisht sillen: Diesel 1.22 cent deri 1.30 cent, Benzinë 1.24 cent deri 1.31 cent.

Ndërkaq çmimet e derivateve në Shqipëri, dieseli 1.89 cent dhe benzina 1.88 cent. Ndërkaq në Serbi dieseli 1.78. cent dhe benzina 1.79 cent.

Kontratat e ardhshme të naftës në ShBA ranë me 7%, në 66.52 dollarë për fuçi, duke bërë që çmimi i naftës krudo të prek ditën e saj më të rëndë që nga korriku i vitit 2022. E nafta e papërpunuar, që është standardi botëror, ra me 6%.