Organizuar nga Shoqata e artistëve figurativ në Mitrovicë ka nisur të shtunën Kolonia e arteve që mbahet në kuadër të manifestimit “Ditët e kulturës”.

Në koloni po marrin pjesë rreth 30 artistë të mirënjohur nga Durrësi, Shqipëria, Maqedonia, Tirana, Tropoja, dhe qytete tjera të Kosovës.

Kolonia ka filluar më 15 qershor, ndërsa që piktorët ditën e parë kanë pikturuar tek Liqeni Akumulues, ditën e dytë në Shalën e Bajgorës, ditën e tretë në qytetin e Mitrovicës,  kryesisht peizazhet e bukura të Shalës së Bajgorës, të Liqenit Akumulues dhe imazhe nga qyteti i Mitrovicës.

Për katër ditë rresht, piktorët do të pikturojnë vepra të ndryshme, ndërsa hapja e ekspozitës me këto punime do të bëhet më 18 qershor në orën 18:00, në Qendrën e Kulturës “Rexhep Mitrovica”, në Mitrovicë.