![](https://www.epokaere.com/wp-content/uploads/2022/09/62E3F98D-3064-47BE-B904-4462B2040A3A.jpeg)
Në Nürnberg zgjedhet Këshilli Organizativ për themelimin e Nëndegës së PDK-së
26 shtator 2022
| 20:11
Në kuadër të shtrirjes dhe fuqizimit të Partisë Demokratike në Mërgatë, në Nürnberg të Bavarisë, është zgjidhur Këshilli Organizativ për Themelimin e Nëndegës së PDK-së!
Nën drejtimin e kryetarit të Këshillit për Organizimin e Degës në Bavari, Isak Nezirit, u konstitua Këshilli për Organizimin e Nëndegës në Nürnberg, ku morën pjesë drejtues, anëtarë e simpatizantë të PDK-së.
Këshilli ka 13 anëtarë dhe ekskluzivisht do të merret me përgatitjen e Kuvendit të Nëndegës së Nürnbergut, që pritet të mbahet së shpejti.
Të gjithë të zgjedhurit u zotuan për pjesëmarrje solide të grave dhe të rinjve në kuvendin e nëndegës, thuhet në njoftimin e publikuar pas këtij takimi.