Në përvjetorin e dytë të ndarjes nga jeta të prof. dr. Sabahajdin Cenës, kryetari i Rahovecit, Smajl Latifi, me bashkëpunëtorë, familjarë dhe degën e OVL-UÇK-së, bënë homazhe te varri i tij, për të nderuar kujtimin dhe veprën e tij.

“Prof. dr. Sabahajdin Cena ishte një kontribuues i madh, si i penës ashtu edhe i pushkës, duke dëshmuar përkushtim ndaj lirisë dhe arsimit. Ai mbetet një figurë shembullore e guximit, dijes dhe përkushtimit ndaj kombit. Kujtimi për të do të rrojë gjithmonë, e vepra e tij do të jetë frymëzim i përhershëm për brezat që vijnë. Lavdi jetës dhe veprës së prof. dr. Sabahajdin Cenës!”, ka shkruar Latifi në “Facebook”.