Në prag të Ditës së Çlirimit të Skenderajt, me ekipin e futbollit FC Kosova Regensburg, i cili përbëhet nga lojtarë shqiptarë që luajnë në Gjermani, nënkryetari i komunës së Skenderajt, Sami Lushtaku dhe deputetja Ganimete Musliu, e bashkëpunëtorë të tjerë, vizituan në Burojë babanë e ish-presidentit Hashim Thaçi, bacën Haxhi.

“Stafi menaxhues dhe lojtarët e FC Regensburg ofruan gjithë mbështetje morale për Hashimin dhe çlirimtarët e tjerë, duke shprehur bindjen se në fund të procesit gjyqësor, ata do të kthehen faqebardhë tek familjet e tyre në Kosovë”, ka shkruar Lushtaku në “Facebook”.