Komuna e Prishtinës në bashkëpunim me OSCE Mission in Kosovo dhe Agjencinë për Informim dhe Privatësi organizuan punëtorinë dyditore me temën “Balancimi i së drejtës për informim dhe së drejtës për privatësi”, për zyrtarë nga të gjithë drejtoritë dhe departamentet që veprojnë në institucionin e kryeqytetit.

Komuna e Prishtinës ka njoftuar se qëllimi i kësaj punëtorie ishte trajtimi i kërkesave për qasje në dokumente publike, përmirësimi i ofrimit të qasjes në këto dokumente dhe mbrojtja e të dhënave personale në përputhje me Ligjin për qasje në dokumente publike dhe Ligjin për Mbrojtjen e të dhënave personale.