Kryetari i Komunës së Prishtinës, Shpend Ahmeti ka nxjerrë urdhëresën për ndalimin e përdorimit të mjeteve piroteknike në vende të hapura publike, gjegjësisht në sheshe, rrugë e tregje.

Sipas këtij vendimi kushdo që vepron kundër kësaj urdhërese, gjobitet në shumën prej 100 eurosh.

Për zbatimin e Urdhëresës, e cila do të jetë në fuqi deri më 3 janar 2021, do të kujdeset Drejtoria e Inspekcionit e komunës së Prishtinës që drejtohet nga Adonis Tahiri.