Ministrja e Shëndetësisë dhe Mbrojtjes Sociale, Ogerta Manastirliu, ka bërë me dije se prej ditës së sotme ka nisur procesi i vaksinimit anti-Covid me njësitë e lëvizshme.

“Punë fantastike e ekipit të qendrës shëndetësore #Paskuqan dhe Njësisë Vendore të Kujdesit Shëndetësor, me vaksinimin derë më derë, për të mbrojtur sa më shumë qytetarë nga Covid19. Nisëm sot vaksinimin me njësitë e lëvizshme në komunitet, pjesë e planit kombëtar të vaksinimit masiv, për t’i dhënë mundësi çdo qytetari të vaksinohet, afër vendbanimit”, ka shkruar Manastirliu në llogarinë e saj në “Facebook”.

Prej fillimit të vaksinimit në Shqipëri janë kryer në total 1,016,554 doza të vaksinës ndaj Covid-19.

Prej tyre 431,722 qytetarë i kanë marrë të dyja dozat e vaksinës anti-Covid.