Menaxhmenti i Shërbimit Spitalor dhe Klinik Universitar të Kosovës (ShSKUK) ka zhvilluar të mërkurën një takim me përfaqësues të Federatës Ndërkombëtare të Spitaleve dhe institucioneve ndërkombëtare të shëndetësisë, me fokus në avancimin e bashkëpunimit dhe rrjetëzimin në fushën e trajnimit dhe menaxhimit shëndetësor.

Gjatë takimit, drejtuesit e ShSKUK-së theksuan rëndësinë e rritjes së kapaciteteve menaxheriale përmes trajnimeve dhe shkëmbimit të përvojave ndërkombëtare.

Po ashtu, ata shprehën mirënjohje për organizatën IHS për mbështetjen e vazhdueshme në përmirësimin e shërbimeve shëndetësore publike në Kosovë.

Ky takim shënoi një hap të rëndësishëm drejt bashkëpunimeve strategjike për përmirësimin e cilësisë së shërbimeve spitalore në vend dhe krijimin e mundësive të reja për zhvillim profesional në menaxhimin shëndetësor.

ShSKUK-ja ka theksuar se mbetet e përkushtuar në forcimin e partneriteteve ndërkombëtare për të ofruar shërbime më cilësore për qytetarët e Kosovës.

Në këtë takim morën pjesë, Ronald Lavater, kryeshefi ekzekutiv i Federatës Ndërkombëtare të Spitaleve, Merita Stavileci dhe Peter Sidler nga Zyra e Korporatës Zvicerane për Zhvillim, si dhe përfaqësues të projekteve IHS dhe AQH, përfshirë Dr. Lia Tavadze, Dr. Ilir Mecini, Nicu Fota dhe Dr. Jana Gerold. Nga ShSKUK-ja të pranishëm ishin drejtori ekzekutiv, Elvir Azizi, kryesuesi i Bordit Drejtues, Dren Boshnjaku, drejtorë të klinikave të QKUK-së dhe stafi mbështetës.