Me 7 fitore 1 barazim në 8 ndeshje, 21 pikë në total, Barcelona kryeson La Ligan. Një meritë të padiskutuar për këtë ka faza ofensive pasi ekipi i Hansi Flick ka realizuar 25 gola në 8 ndeshje, sulmi më i mirë në Spanjë.

Listën e golashënuesve më të mirë e kryeson Robert Lewandowski në kuotën e 7 golave, i ndjekur nga Perez i Villareal me 6 gola. Në podium gjejmë një tjetër lojtar blaugrana, Raphinha me 5 gola. 4 gola këtë fillim sezoni ka realizuar edhe Lamine Yamal. Pikërisht ky detaj ka tërhequr edhe vëmendjen e Mundo Deportivo, me të përditshmen spanjolle që hap faqen e parë me titullin: “Tredhëmbëshi më i mirë”.

Lewandowski-Raphinha-Yamal kanë shënuar të tre së bashku plot 16 gola duke qenë tredhëmbëshi më i mirë në Evropë në 5 kampionet më të rëndësishme. Treshja e Barcelonës ndiqet nga Chelsea, PSG, Real Madrid dhe Bayern Munchen. Barcelona po kalon një sezon pozitiv, por dëmtimet e kanë kushtëzuar shumë trajnerin Hansi Flick. Sipas mediave spanjolle, me grupin priten të bashkohen shpejt edhe lojtarë si Dani Olmo, Fermin e Gavi. Me grupin së fundmi është bashkuar De Jong, lojtar për të cilin po punojnë për të rinovuar kontratën e tij aktuale.