Në Spitalin e Pejës janë duke u trajtuar 22 pacientë me Covid-19, prej tyre 10 janë në oksigjeno-terapi, ndërsa pesë në gjendje më të rëndë.

Gjatë 24 orëve të fundit në Spitalin e Përgjithshëm në Pejë, 248 pacientë kanë marrë trajtim emergjent shëndetësorë, dhe nga këta 28 pacientë janë shtrirë për trajtim të mëtejmë.

266 pacientë kanë kryer analiza, që në total kanë bërë 3,759 analiza, ndërsa janë kryer 16 operacione, raporton “Epoka e re”.

Gjatë 24 orëve të fundit janë kryer 125 shërbime Radiologjike, dhe prej tyre 99 Rëntgena, 14 EHO dhe 12 CT-ja.

Në këtë spital shtatë lindje kanë qenë gjatë 24 orëve të fundit, dy lindje kanë qenë normale dhe pesë me prerje cezariane. Janë lindur 7 foshnje, 3 të gjinisë mashkullore dhe 4 të gjinisë femërore.