Në Spitalin e Pejës aktualisht janë duke u trajtuar 69 pacientë për Covid-19.

Sa i përket gjendjes së pacientëve: një pacientë është në respirator (CPAP), 49 pacientë janë në oksigjeno-terapi, ndërsa nga këta tetë pacientë janë në gjendje më të rëndë.

Tetë pacientë janë shëruar gjatë 24 orëve të fundit.

Ndryshe, 236 pacientë janë në total të shtrirë aktualisht në Spitalin e Përgjithshëm në Pejë.

Gjatë 24 orëve të fundit në Spitalin e Përgjithshëm në Pejë, 316 pacientë kanë kryer vizita Specialistike dhe nga këta 24 pacientë janë shtrirë për trajtim të mëtutjeshëm, ndërsa 44 Pacientë janë liruar pas trajtimit që i është ofruar.

Katër lindje kanë qenë gjatë 24 orëve të fundit në Spitalin e Përgjithshëm në Pejë, tri lindje kanë qenë normale dhe një me prerje cezariane. Janë lindur 4 foshnje, 1 i gjinisë mashkullore dhe 3 të gjinisë femërore.

267 pacientë kanë kryer analiza, që në total kanë bërë 3,853 analiza, ndërsa janë kryer 3 operacione.

39 hemodializa janë kryer gjatë 24 orëve.