![](https://www.epokaere.com/wp-content/uploads/2019/03/94879407-8779-4888-9EFD-9CDF6D40E888.jpeg)
Në Suharekë mblidhen 11 000 nënshkrime për shfuqizimin e Ligjit për Lojrat e Fatit
24 mars 2019
| 21:13
Mbi 11 mijë nënshkrime janë mbledhur nga qytetarët e Suharekës për peticionin, i cili kërkon shfuqizimin e Ligjit për Lojrat e Fatit.
“Këtë të drejtë kushtetuese e kërkuan qytetarët dhe bashkarisht me subjektet politike, u organizuam që kjo të realizohet si reagim qytetar, ndaj ngjarjeve tragjike që ndodhën në komunën tonë.
Peticioni ka përfunduar dhe nesër së bashku me përfaqësuesit e subjekteve politike, do ta dorzojmë në Parlamentin e Kosovës në Prishtinë”, ka shkruar në llogarinë e vet në “Facebook” kryetari i Komunës së Suharekës, Bali Muharremaj.
“I falenderoj të gjithë qytetarët për mbështetjen dhe secilin vullnetar që dha kontributin e tij”, ka shkruar ai.
/Epoka e re/