Rusia është e interesuar të arrijë në një marrëveshje që është në interes të të dyja palëve në bisedimet me Ukrainën, pohoi të hënën negociatori rus Vladimir Medinsky, ndërsa zyrtarët përgatiten të takohen pranë kufirit, shkruan the Guardian.

Medinsky ka thënë se bisedimet pritej të fillonin në orën 12:00 me orën lokale (09:00 GMT).

Ukraina kishte rënë dakord për bisedime me Rusinë “pa parakushte”, tha dje zyra e presidentit Volodymyr Zelenskiy.

Zelenskiy nuk dukej shpresëdhënës për sukses, por tha: “Le të përpiqen që më vonë asnjë qytetar i Ukrainës të mos ketë dyshime se unë, si president, u përpoqa ta ndaloja luftën”.