Një nëndetëse kineze që transportonte tre shkencëtarë arriti të zhytej në fundin e humnerës së Marianës në një thellësi prej afërsisht 11 mijë metrash.

Sipas televizionit shtetëror kinez, “Fendouzhe” theu rekordin kombëtar për zhytjen më të thellë pasi iu deshën më shumë se 4 orë për ta prekur fundin e pikës më të panjohur të Oqeanit Paqësor.

Kjo ekspeditë i ndihmoi eksploratorët kinezë t’i vëzhgonin speciet e panjohura si dhe të pikturonin një hartë.

Rekordi botëror mbahet ende nga eksploratori amerikan Victor Vescovo i cili u zhyt në humnerën e Marianës në maj të 2019-s.