Fatmire Mulhaxhu-Kollçaku, nënkryetare e Vetëvendosjes dhe deputete në Kuvendin e Kosovës, ka komentuar aderimet e fundit të Partisë Demokratike të Kosovës.

Ajo ka thënë se çdo aderim i ri që bëhet në partitë politike, sjellë vota për Vetëvendosjen.

“Fillimisht na ‘dhunojnë’ çdo natë përmes ekraneve televizive në përpjekje për të orientuar opinionin publik kundër Lëvizjes, ashtu të ‘gjithëdijshëm’. Pastaj me aderimet që bëjnë demonstrojnë gjithë pafytyrësinë dhe ‘pavarësinë’ e tyre. Çdo aderim i tyre në partitë politike që bëjnë, sjell një grumbull vota për Vetëvendosje!”, ka shkruar ajo në llogarinë e vet në “Facebook”.