Ministrja e Kulturës, Rinisë dhe Sportit, Vlora Dumoshi, gjatë vizitës në Komunën e Gjakovës, pas nënshkrimit të një memorandumi me kryetarin Ardian Gjini, kanë vta vizituar stadiumin e qytetit ku edhe do të nis faza e parë e ndërtimit, projekt të cilin e financon MKRS-ja, raporton Ekonomia Online.

Dumoshi pas nënshkrimit të memorandumit me Gjinin u shpreh  se ky memorandum ka të bëjë me përfundimin e punimeve të fushave të tenisit, pasi këto punime janë stërzgjatur, ndërsa kryetari Gjini falënderoi ministren për vizitën. Po ashtu, shprehu  gatishmërinë që ky projekt i fushave të tenisit të përfundohet sa më shpejt.