Nesër, me fillim nga ora 10:00, në Velani do të mbahet homazh përkujtimor në 26 vjetorin e rënies së Heroit të Kombit Ilir Konushevci dhe dëshmorit Dr.Hazir Malaj.

“Të enjten më 9 maj nga ora 10:00 deri në orën 11:00, në Prishtinë organizohet një tubim/homazh përkujtimor me rastin e 26 vjetorit të rënies së Heroit të Kombit Ilir Konushevci dhe dëshmorit Dr.Hazir Malaj. Tubimi përkujtimor mbahet te varrezat e dëshmorëve në lagjen Velani.
Me rastin e këtij përvjetori me datë 10 maj, ditë e premte, mbahet manifestimi/marshimi i rregullt “SHTEGU I LIRISË MËRGIMI”. Marshimi do të nisë nga Bajram Curri në orën 10:00, pastaj vazhdohet drejt Padeshit, Ujezës deri në Junik. Të interesuarit ftohen për pjesëmarrje”, bëhet e ditur në njoftim.

Në foto: Besnik Tafa, Riza Alija (Komandant Hoxha), dhe dëshmori Ahmet Pulatani, pranë heroit të kombit Ilir Konushevci në maj të vitit 1998, në Shtabin e Bajram Currit.