Prishtina Weather ka njoftuar se ditëve të para të javës së ardhshme do të mbajë mot i ndryshueshëm, por i ngrohtë, e orëve të pasdites priten mundësi për reshje lokale shiu, të cilat ditën e hënë mund të shoqërohen edhe me bubullima.

Sipas Prishtina Weather nesër (e shtunë) do të jetë ngrohtë, kryesisht me diell. “Në mëngjes do të ketë vranësira kalimtare, ndërsa pasdite me pak vranësira lokale”, thuhet në këtë njoftim.

Ndërkaq të dielën thuhet se do të jetë ngrohtë. “Herët në mëngjes pjesërisht vranët. Ditën priten zhvillime të vranësirave lokale, me mundësi për reshje lokale shiu dhe bubullimë”, theksohet në njoftimin e Prishtina Weather.

/Epoka e re/