Më 2 prill bëhet një vjet nga vdekja e Lulëzim Krasniqit – Arbanasit.

Luli siç e njohin të gjithë, përpos ushtrimit të profesionit të zyrtarit policor, ka qenë i pasionuar edhe pas poezisë.

Luli vazhdimisht kishte shkruar poezi të cilat janë përmbledhur në një libër falë punës se mikut të tij, Gëzim Saraçi.

Libri i tij “Dhe unë jam njëri” do të promovohet nesër (e premte) në Bibliotekën Kombëtare në Prishtinë.

Po ashtu, në të njëjtën kohë do të botohet edhe libri “Njeriu i lartësive”, i autorit Gëzim Saraçi.

Lulëzim Krasniqi – Arbanasi, në të kaluarën ka ushtruar edhe profesionin e profesorit, si dhe ka qenë i pasionuar pas poezisë dhe alpinizmit.

Atëherë kur Kosova ishte në rrezik, Lulëzim Krasniqi, i ishte bashkuar radhëve të UÇK-së, ku disa herë kishte shkuar këmbë në Shqipëri për të marrë armë.

Luli vitin e kaluar nuk kishte arritur ta fitonte betejën me Covid-19.

Ai pas vete ka lënë gruan dhe tri vajza.