Në seancën e Kuvendit që do të mbahet nesër, pritet të dalë për votim Projekligji për ndryshim/plotësimin e Ligjit për Automjete.

Nëse ky projektligj kalon, atëherë do të hiqet homologimi për veturat që vijnë në Kosovë.

Në seancën e nesërme, pika III e rendit të ditës “Shqyrtimi i parë i Projektligjit nr. 07/L-018 për ndryshim plotësimin e Ligjit nr. 05/L-132 për Automjete”.

Rikujtojmë se Komisioni për Infratrukturë, e pati kaluar projektligjin për ndryshim/plotësimin e Ligjit për Automjete, që heq detyrimin për homologim të veturave të reja dhe të përdorura që vijnë nga shtetet e BE-së, Zvicrra dhe Norvegjia.