Kandidati i PDK-së për kryetar të Pejës, Astrit Ademaj që u vra mbrëmë do të varroset nesër (e premte) në orën 14:00, në varrezat e Katundit të Ri në Pejë.

Lajmin e ka bërë me dije përmes një njoftimi në llogarinë e vet në “Facebook” Arton Muhaxheri, bashkëpunëtor i ngushtë i të ndjerit, Astrit Ademaj.

“Ju njoftoj se nesër me datë 10.9.2021, në ora 14:00, bëhet varrimi i të dashurit tonë, ASTRIT (REXHEP) ADEMAJ. Varrimi bëhet në varrezat e Katundit të Ri, në Pejë! Shpirti i tij dritë pastë!”, ka shkruar Muhaxheri.