Newcastle United e ka eliminuar Arsenalin nga Carabao Cup me rezultat të përgjithshëm 4-0. Pas vetëm katër minutash lojë, Magpies shënuan nëpërmjet Alexander Isak, por goli i tij u anulua për pozicion jashtë loje.

Mirëpo, në minutën e 19-të, Murphy kaloi Nwcastlen në epërsi dhe goli tani qëndroi. Vendasit e nisën edhe pjesën e dytë mirë, duke shënuar edhe golin e dytë.

Ishte Anthony Gordon, ai që i dhan goditjen finale Arsenalit, kur u asistua prej Fabian Schar në minutën e 52-të. Arsenali përshëndetet me këtë garë, ndërsa i mbetet Liga Premier dhe Liga e Kampionëve që të garojë.